Awiting bayan

      Isa sa paborito kong kanta ay ang "Awit sa Karelasyon". Inawit ito ng grupong TAMBISAN noong renewal of vows namin ng aking asawa.  Gandang-ganda ako dito, pawang himig na mapagmahal na nagmula sa titik ng mga taong napakalalim rin ng pagmamahal sa kanilang bayan.

"Palad nati'y nagdaop nang minsang dumalaw ka 
May hatid kang pag-asa 
Init kang dumampi sa lamig at dusa 
Ng pusong sa laya'y alila 

 Puso ko'y nabihag mo sinta 
Tanggapin mo sana, sa pakikibaka tayo'y magsama 
 Sa pagsubok na itong dumating 
Nakihati ka sa hilahil 

Puso ko ay nagising, buhay kong ito giliw 
Sapat ma'y kulang pa rin 
 Palad nati'y nagbigkis sa isang pag-aalay 
Sa kapwa at sa bayan 

Damhin mo ang sampintig ng pagmamahalan 
Ang sigaw ay kalayaan Puso ko'y bahagi mo sinta 
Tanggapin mo sana, sa kalayaan tayo'y magsama 
Sa kalayaan, tayo'y magsama"

    Isa rin sa mga mang-aawit na paborito ko ay si GLOC-9, isang makatang rapper.  Narinig ko siyang kumanta noong  kaarawan ng makatang manunulat at Pambansang Alagad ng Sining na si Bienvenido Lumbera. Fans na niya ako mula noon. Isa rin siyang makata na may pag-unawa sa reyalidad ng lipunang ginagalawan natin.

     GLOC-('s song TULA, courtesy of Kelvin C4's upload Youtube http://youtu.be/kjsq-RQmpcA

 

    Kapwa guro ng aking asawa sa pamantasan ang yumaong mang-aawit na si Susan Fernandez. Isa siya sa mga hinangaan kong mang-aawit  dahil sa ganda ng kanyang tinig at mismong mga kantang kanyang inaawit. Isa siyang aktibistang hindi nangiming kumanta ng mga awiting naglalahad ng mga pangyayari sa bayan natin noong panahon ng batas militar. Napakinggan ko siyang kantahin ang Awit ni Canuplin sa My Brother's Moustache dati; magkahawak kamay kami ni Lex hanggang matapos ang kanta. 

Susan Ferrnandez singing Awit ni Canuplin at an awards night in UP
Courtesy of Filipinowriter.com